Fotógrafo

   Virxilio Vieitez

20.09.2021

Virxilio Viéitez (Forcarey, 1930-2008) é a figura máis influente da fotografía galega do século  XX. A súa maneira de mostrar a realidade da década de 1950, lembra ao concepto cinematográfico e móstranos unha imaxe sociolóxica de mediados do século pasado.

Viéitez é un sobrevivente, un traballador, un buscavidas que atopou na fotografía un medio de expresión, de comunicación e de traballo.

O mellor de Viéitez é que non era un intelectual, nin era rico, era un artesán que aprendeu a desenvolver un estilo propio.

Se contemplamos as fotos da época comprobamos esa liturxia que seguramente existía á hora de facer unha fotografía. A seriedade coa que a xente se tomaba ir a un estudo, ataviados coas súas mellores teas, peiteados, con ese aspecto limpo, coma se fosen de domingo.

Era, que dubida cabe, un fotógrafo realista, pero a posta en escena das súas imaxes convídanos a viaxar a un mundo diferente onde se mestura o real e o simbólico, o evidente co metafórico.

Eu proveño dunha pequena aldea do interior profundo da Galiza. O parecido que manteñen as fotografías de Virxilio e o meu fogar removeron en min unha nostalxia que foi motivo suficiente como para falar del neste post. Ainda que para moitos esquecidas, as aldeas e a súa xente seguen vivas e tanto a fotografía de Vieitez como a miña, non deixarán morrer afogadas polo tempo.